Madaxweyne Farmaajo oo ka jawaabay fariintii Agoonta toosna ula wareegay Masuuliyadooda. Muqaal iyo sawiro

Madaxweyne Farmaajo oo ka jawaabay fariintii Agoonta toosna ula wareegay Masuuliyadooda. Muqaal iyo sawiro

Talaado June 20, 2017| Arlaadi Online 

Madaxweynaha Soomaaliya Maxamed Cabdulaahi Farmaajo ayaa lacag ku dhow 20,000 oo doolar (labaatan kun oo doolar) u bixiyay samafal iyo Ciid Mubaarak. Lacagtan ayaa la gaarsiiyay xero ay ku jiraan caruur agoon ah oo ku taalla degmada Afgooye, waxaana la sheegay in caruurtaasi oo dhan 170 midkiiba la siiyay lacag dhan $110  ($18,700) oo ka  timid Madaxweynaha Soomalaiya.

Madaxweyne Farmaajo ayaa arrintan u wakiishay Agaasimaha Warfaafinta Madaxtooyada Cabdinuur Maxamed Axmed si uu ugu wareejiyo lacagtan caruurtaasi, iyadoo loogu talagalay inay ku ciidaan carruurta Agoonta ee ku jira Ex-xaruntii agoonta gabdhaha ee Kacaanka.

https://youtu.be/Kd4JW0YE6XE

“Waxaan halkan u nimid markii ugu horeysay anagoo wakiil ka ah Madaxweynaha Soomaaliya deeq lacageed oo naloogu soo dhiibay inaan ku wareejino carruurtan oo hadda halkan ku fadhiya 170, tiradoodu guudna ay tahay 180, laakiin toban ka mid ah ay xanuuno kala duwan ugu maqanyihiin, caruurta midwalba waxaan u keenay boqol iyo toban dolar oo isugu jirta ciid iyo waxyaabo kale oo ay ka dhigtaan nooli, waxaana kaloo rabaa in aan halkan ka caddeeyo aniga oo ku hadlaya magacaga Madaxtooyada in wixii maanta ka dambeya nolosha carruurta ay Madaxtooyada qaabileyso bilkasta”. ayuu yiri agaasimaha warfaafinta Madaxtooyada.

 

Arlaadi Online. Education news, opinion and guides.    

Leave a Reply

Your email address will not be published. Required fields are marked *