Sidee hoggaamiyuhu farriintiisa (communication) u gudbiyaa? Dr. Sulub

Talaado August 01, 2017| Arlaadi Online 

Image result for communication

Hoggaamiyuhu farriinta uu gudbinayo waa inay waafaqsantahay aragtida uu higsanayo (vision), risaalada uu gudanayo (mission), mabaadi’da iyo qiyamka uu rumaysanyahay (principles & values), iyo ahdaafta uu rabo in isaga iyo dadkiisu gaaraan (goals).

*Inta uusan farriintiisa hadal iyo qoraal ku gudbin, Waa inuu dhagaystaa dadka uu hoggaaminayo baahidooda, cabashadooda, dareenkooda, afkaartooda iyo talooyinkooda. Hoggaamiye aan dhegeeyste fiican ahayn, farriin gudbiye fiican ma noqonkaro.

*Waa inuu ka taxadaraa erayada iyo luqada uu u adeegsanayo farriimihiisa.

*Waa in hoggaamiyaha afkaartiisa, aragtidiisa, hadalkiisa, iyo ficilkiisuba iswaafaqsanyihiin, oo ayan ahayn run, been, iyo munaafaqnimo isku jira.

* Waa inuu iska ilaaliyaa cayda, handadaada, kajamaadda, kibirka, iyo faanka..

*Waa inuu hoggaamiyuhu ku celceliyaa oo hadba si u sheego farriinta uu gudbinayo si dadku u gartaan oo ugu qancaan, oo ugu riyaaqaan qaymaha iyo waxtarka farriintiisa ka dhalankara. (The 56 Laws of Leadership book)

W/Q Dr. Abdurahman A. Noor Sulub 

Arlaadi Online. Education news, opinion and guides.