Video | Qodobo kasoo baxay Kulankii Madaxweyne Axmed Maxamed Islaam (Axmed Madoobe) & Taliyaha Guud ee Ciidamada AMISOM Tigabu Yilma

August 05, 2019| Arlaadi Online

Magaalada Kismaayo ee xarunta KMG ah ee Maamulka Jubbaland waxaa kulan ku yeeshay Madaxweynaha Jubbaland Axmed Maxamed Islaam & Taliyaha Guud ee Ciidamada AMISOM Tigabu Yilma oo Maanta  gaaray  Magaalada Kismaayo.

Kulanka ayaa waxaa diirada lagu saaray sidii loo sugi lahaa Amniga Magaalada Kismaayo inta ay socdaan doorashooyinka Jubbaland, isla markaana ay ka wada qeyb qaataan Ciidamada AMISOM iyo kuwa Jubbaland.

Madaxweyne ku xigeenka Dowlad Goboleedka Jubbaland  Maxamuud Sayid Aadan oo Saxaafada la hadlay ayaa sheegay in labada dhinac ka hadleen sidii la iskaga kaashan lahaa amaanka isla markaana si midaysan loogu qaadi lahaa howlgalo Cusub oo deegaanada Jubbaland laga samayn doono.

Sidoo kale waxaa uu hadalkiisa ku daray in AMISOM maamulka Jubbaland u sheegtay inaysan wax faragelin ah ku sameyn doonin doorashooyinka Jubbaland, isla markaana marna shaki galin doonin wada shaqaynta Jubbaland iyo AMISOM.

Video: SOMALI CABLE TV

Arlaadi Online. Education, news, opinion and guides